“Asociación autónoma de persoas que se unen de forma voluntaria para satisfacer as súas necesidades e aspiracións económicas, sociais e culturais en común mediante unha empresa de propiedade conxunta e de xestión democrática” - Alianza Cooperativa Internacional, ACI:
As cooperativas galegas réxense pola Lei 5/1998, do 18 de decembro, de Cooperativas de Galicia que as define como “unha sociedade de capital variable que, con estrutura e xestión democrática, en réxime de libre adhesión e baixa voluntaria, desenvolve unha empresa de propiedade conxunta, a través do exercicio de actividades socioeconómicas, para prestar servizos e satisfacer necesidades e aspiracións dos seus socios, e en interese pola comunidade, mediante a participación activa dos mesmos, distribuíndo os resultados en función da actividade cooperativizada”.
A súa actividade segue os principios cooperativos, aceptados e regulados autonómica, estatal e internacionalmente:
• Adhesión voluntaria e aberta.
• Xestión democrática por parte das persoas socias.
• Participación económica das persoas socias.
• Autonomía e independencia.
• Educación, formación e información.
• Cooperación entre cooperativas.
• Preocupación pola comunidade.
Para constituírse e funcionar, as sociedades cooperativas de primeiro grao deberán estar integradas, polo menos, por dúas persoas socias. Ademais, o capital social mínimo non será inferior aos tres mil euros.
As cooperativas clasifícanse en:
• Cooperativas de segundo grao
• Cooperativas de traballo asociado
• Cooperativas mixtas de traballo asociado
• Cooperativas agrarias
• Cooperativas de consumidores e usuarios
• Cooperativas de servizos
• Cooperativas de transportistas
• Cooperativas do mar
• Cooperativas de explotación dos recursos acuícolas
• Cooperativas de vivendas
• Cooperativas de ensino
• Cooperativas de integración social
• Cooperativas de servizos sociais
• Cooperativas sanitarias
• Cooperativas de crédito
• Cooperativas de seguros
• Cooperativas sen ánimo de lucro
• Cooperativas xuvenís